جعلت من الصِعاب والنقد حافز لها... مريم عاطف تبدع فى فن الرسم

الفنانة مريم عاطف

يُصاب الإنسان أحيانا باليأس والإحباط عندما يتعرض لأى نوع من العقبات، مما يدفعه إلى الهروب بدل المواجهه، وبسبب هذه العقبات قد يتأخر حلمه الذى يخطط من أجل الوصول إليه، ولكن موهبة اليوم اتخذت من الصعوبات طريق لتطوير هوايتها.

بداية غير متوقعة :

اكتشفت مريم عاطف حبها للرسم فى  الثالثة عشر من عمرها، فهى لم تكن تعرف بموهبتها ولكن كانت تقلد كل ماتراه حتى توصلت إلى رسم اول رسمه  فكانت تجربة رائعة ثم رسمت رسمه أخرى فظهر تعلقها الشديد بالرسم. 

صعوبات تعرضت لها :

قالت مريم :" مع بداية كل خامه جديده بواجه صعوبات وقلق وده لأنى لسه ف بدايه التعامل مع الخامة، ولكن بتعود وبوصل للشكل ال عايزاه، بالاضافه إلى أن فى رسومات كتير بذلت وقت ومجهود كبير ومنهم رسمه اخدت اسبوع متقطع وكانت صعبه لأنى كان هدفى أوصل الفكره بشكل بسيط" 

وأضافت :" انا اتعلمت تعليم ذاتى، وكنت بتابع فيدوهات على اليوتيوب، واتابع ناس كتير بترسم واتفرج على رسوماتهم ومع الممارسه قدرت اتميز فى رسوماتى "

مجالها الدراسى فرصة مناسبة لتطوير هوايتها :

واصلت مريم :"  انا بدرس فى كلية تربية فنيه وده ساعدنى جدا خصوصا الكليه فيها رسم كتير ولكن ايام الدراسه بخلص مشاريع الكليه، اما بالنسبة للإجازة ف كنت برسم بمزاجى "

وأضافت :" أنا بتلقى دعم كبير من أهلي وأصحابى ومن اغلب الرسامين وبندعم بعض دايما، الاراء الكويسة دايما بتشجعني استمر واوصل لحلمى "

مريم تضع بصمه مميزة فى رسوماتها :

قالت مريم :" رغم اتجاهات الرسم الكتير إلا إنى بحب ارسم ال يعجبنى، مش شرط اتبع اتجاه معين أو رولز معينه عشان اطلع الرسمة بيرفكت، أنا بحب يكون ليا طابع مميز فى رسوماتى "

طموح الفنانه مريم عاطف : 

-تحلم مريم ان تنمي مهاراتها وتطور من رسوماتها، اما بالنسبه لطبيعة شغلها مع الأطفال فهى تسعى حتى تعلمهم الفن الصحيح وتوجههم إلى اتباع هوايتهم بدون إحباط.

 

- تعمل على تحويل الرسم لمهنه فيما بعد. 

كلمه اخيرة :

أنهت مريم حديثها بنصيحة قائلة :" 

محدش يستسلم للصعوبات اللي بتواجهه في اى مرحله ولا الانتقادات لكن ياخد كل نقد ويحوله للوحه ويفضل ماشي ورا هوايته وينمي فيها، وحقيقي اي كلمه بتتقال لينا حتي لو بسيطه بس بتبقي محفز لينا وبتشجعنا اكتر"