ترى أن الرسم موهبة وليست تجارة... أميرة عماد فنانة مبدعة تعشق الرسم.

 

الشخص الموهوب دائما يتعرض للإنتقاد سواء بسبب أم لا، وذلك لوجود أشخاص محيطين بهم يعيشون على إحباط الآخرين، قد يؤثر ذلك على بعض المواهب مما يجعلهم يشكون فى كل مايقدمونه بخصوص موهبتهم ، ولكن هناك من يتقن التعامل مع هؤلاء الأشخاص لأنه يثق بقدراته ولديه ثقه بالنفس تمده بالقوة والشجاعه وتدفعه نحو التميز والإنجاز، وهذا ماحدث مع موهوبتنا التى استطاعت أن تحول الآراء السلبيه والصعوبات التى واجهتها إلى ايجابيات لأنها راضيه عن نفسها بشكل كبير ولم تهدر وقتها فى الالتفات لما يقوله الناس.

نبذة عن الموهبة :

أميرة عماد تمتلك من العمر 20 عاما من محافظه الشرقيه تدرس بكليه شريعه وقانون جامعة الأزهر بالمنصورة، اكتشفت موهبتها منذ بضع سنوات مضت، وعزمت على تنميه هوايتها حتى تثبت ذاتها فى مجالها. 

انطلاقه متميزة فى مجال الرسم :

قالت  :" أنا بدأت ارسم من تالته إعدادى، وكان فى إعجاب رهيب وتشجيع من أهلي فى اول رسم رسمتها، فحبيت الموضوع، وبقيت برسم فى اوقات فراغي، واتجهت لرسم لوحات بألوان مايه، وهنا كانت بدايه تطوري ومن وقتها بدأت ارسم اصحابي وقرايبي"

نقد وصعوبات:

 قالت أميرة :"أنا واجهت صعوبات فى حياتى كتير ونقد من أقرب ناس ليا بس انا عمرى ما يأست ودايما عندي اقتناع تام أن ربنا هيعوضني " 

وأضافت :" الدراسه بتمثل صعوبه بالنسبالى، لأن لما دخلت الكليه اخدت كل وقتى ومبقتش برسم باستمرار لان كليتي صعبه جدا، ولكن كنت بهرب من ضغط الدراسه أحيانا بالرسم "

ورثت الموهبة من والدها :

واصلت أميرة حديثها قائلة :"  بابا عنده نفس الموهبة اعتقد إنها وراثه وكان بيساعدني إني اظبط الرسمه ولكن مكنش بيدخل فى اى حاجه رسمتها، وكل رسمة أنا ال ببدأ فيها واخلصها لوحدي "

وأكملت :"مع أول رسمه رسمتها اهلي واصحابي شجعونى وحسسوني ان انا اقدر اعمل احسن من كده، ودايما بيشجعوني اكمل وبيدعموني بارائهم الجميلة فى رسمي، وده بيديني حافز اني اوصل لمكانه كويسة فى الرسم "

اتجاهات الرسم التى تفضلها وإلى أي مدى تتعلق اميرة بالفن :

قالت :" انا بحب الرسم الأبيض واسود العميق، وبحب ارسم لوحات غريبة وفى نفس الوقت بتدل على معنى معين، انا شايفة إن رسوماتي كلها حلوة وبخاف على رسمي اكتر من أي حد وبهتم بيهم جدا، ودايما عندى اقتناع أن كل رسوماتي كويسه قبل ما أسمع نن اهلي واصحابي لان ثقتي بنفسي ورسمي عالية جدا، ودايما بقول أن لسه فى حجات كتير أقدر أعملها " 

طريقة تعاملها مع رسوماتها :

قالت أميرة :" مفيش رسومات صعبه بالنسبالي خالص لأن انا لو مش هعرف ارسم رسمة من قبل ما ابدأ فيها مبعملهاش، وبطور من نفسى واحدة واحدة، بالنسبالي مش باخد وقت ونا برسم ممكن  ساعة او ساعة ونص وفى رسومات مبتكملش ساعة، اكتر رسمة اخدت وقت هيا اول رسمة بعتها  اخدت ساعتين" 

وأضافت :" الرسم مش مهنة هيا هواية بحبها ومعتقدش إنها ممكن تبقى مهنتي فيما بعد، انا برسم لأني بحب الرسم وشايفه إنها موهبة واجب عليا أطورها "

 طموح المبدعة أميرة عماد :

قالت :" طموحاتي اقدم فى مسابقات الرسم وكل الناس تشوف رسمي".