تصميم الأزياء يعد مهنة من أشهر المِهن فى العالم، فهو أحد فنون التصميم التى لا يستطيع إتقانها الكثيرون بدون موهبة أو مهارة، وذلك لأنه يعتمد على الخيال بشكر كبير، وموهوبتنا أحسنت استغلال هوايتها وحولت أفكارها واحلامها التى تدور فى مخيلتها إلى واقع لطيف بالشكل والطريقه المُراد تنفيذها.
- دعونا نعرفكم على السبب وراء اختيارها هذا الفن دون الفنون الأخرى :
لعل السبب فى ذلك أنها منذ صغرها كانت تهتم باللبس والألوان ودرجات الألوان اهتماما شديدا بحيث تكون متناسقه مع بعضها البعض ثم بدأت تتعامل مع الموضوع كهوايه، وكانت تساعد اقاربها واصدقائها فى تنسيق ملابسهم.
بدايتها :
قالت :" كنت بحب دايماً اعمل لنفسي لبس مختلف وكل مروح لحد يعملي حاجة يقولي انتي دماغك حلوة اوي ليه مش تتعلمي وتصممي وفعلاً بدأت أخد كورسات كتير ديزاين واستايليست وباترون، وبدأت اطور من نفسى، وواجهت صعوبات كتير جدا بس بفضل الله قدرت اتخطاها واتحديت نفسى عشان أوصل للمكانه ال عايزاها "
حققت نجاح كبير رغم الازمات :
واصلت مروه:" انا نفذت أول كوليكشن بنفسي من ٥ سنين، كنت وقتها حامل في بنتي الصغيرة كارلا وكان عندى وقتها ظروف مرضية جامدة جداً بس انا كنت مصممة إنى اعمل حاجة وفعلاً عملت يسدچ واخترت اسم تركي معناه الحورية المتألقة وعملت لوجو وشنط وبدأت بنفسي وبعدها تعبت وعملت ٣ عمليات فعيني مبقاش ينفع انفذ لوحدي فبقيت اشتغل مع ورش، من خلال إنى بحط التصميم واجيب الماتريال واقف معاهم فالقص وأى فينش انا بحطه بأيدى ".
ميولها :
قالت مروه :" انا بميل لأزياء الفترة الذهبية يعني فتره الخمسينات والستينات، ودايما كنت بتفرج على الفساتين فى افلام الابيض وأسود، لأن الفتره دى بتتميز بزوق راقى جدا "
طموح الفنانة مروة المسيري :
أنهت مروة حديثها قائلة :" بتمني يكون عندي مكان كبير للبنات فقط يدخلوا ويخرجوا الطقم ال فى خيالهم أو الفستان ال بيحلمو بيه جاهز وفى ايديهم بكل مكملاته مايحتاجوش يشغلوا دماغهم بأي من تفاصيله، بالاضافه إلى إنى عايزه اشتغل مع حد مشهور لأنه هيبق شئ حلو جدا وخطوة كويسه هتساعدني إنى أتقدم بالنسبه للشغل "
إرسال تعليق