كتب - عبد الرحمن محيي
الرسم موهبة جميلة لمن يمتلكها، إحساس رائع أن تنظر للوحة من تصميمك أنت. تواجه صعاب شديدة في البداية ولكن دائمًا ما نسمع مقولة "من رحم المعاناة يولد النجاح".اليوم سوف أتحدث عن أخ عزيز على قلبي كثيرًا وهو رسام المستقبل الحديث.
رسوماتي تعبر عن ما بداخلى
" وانا برسم أي صورة بحس اني صاحب القرار والقدرة علي ان اضيف جزء مني للرسمة حتي لو كانت بورتريه لشخص، بحاول أضيف شخصيتي للصورة علشان تبقي جزء منها لاني بعد ما بخلص الرسمة بحس انها حية ناقصها الكلام…. بيمر عليا وقت مش بعرف أتكلم مع حد لكن رسوماتي بتعبر عن اللي جوايا واللي مريت بيه الفترة اللي فاتت او بتعكس اللي بيحصل في حياتي عمومًا…. اللسان عاجز عن انه يوصف اللي جواك لان الانسان بطبعه مهما بلغت قوته فهو مخلوق ضعيف ".
الكوميديا السوداء
" رسمتي ممكن تطلع مرعبة أو مش مفهومة للبعض، لكن فكرة ان الناس يعجبوا بالرسمة حتي لو كانت مرعبة أو مخيفة دا بالنسبالي تسمي الكوميديا السودا.. تخيل انك بتفضفض بكل اللي جواك علي هيئة رسمة والناس مبهورة بيها دا سعات متردد بين أمرين، افرح علشان الصورة عجبت صحابي وزمايلي ولا أزعل علشان هما مش قادرين يحسوا بكم الضغط اللي أنا بواجهوا وبيظهر في رسوماتي. الرسم له عالم خاص للرسام اللي بيرسم مش سهل ان أي حد يعيش في العالم دا والخلو اللي فيه ان كل رسام بيفسر الرسمة بشخصيته وموده اللي عايش فيه ، الرسم عالم مليان غموض بتقدر تعبر عن كل شيئ بالألوان والاضاءات وبتتحكم فيه ايد وفورشة".
والى هنا انتهي من كتابة تقريري بمقولة دائمًا أرددها لأنها تعبر عن ما بداخل كل شخص يريد التقدم والنجاح في حياته: (لا يكمن النجاح في الوصول وإنما يعتمد علي الإستمرارية والحفاظ عليه).
إرسال تعليق