بقلم أسماء أبو الحمد
زمان لو حد قدم لأحد الأشخاص كوب ماء كان يشلها جميله فوق دماغه ويفضل يحكي وهو مبسوط دا فلان جاب لي كوب ماء وفضل يضحك ويهزر معايا دا انسان طيب والله ويشيل فلان دا فوق دماغه بسبب كوب الماء اللي قدمه له.
في زماننا الحالي لو قدمت للشخص كل ما تملك ينكر خيرك وفضلك ووقوفك جنبه في وقت شدته وممكن كمان يحكي عليك حكايات بالكذب لمجرد يطلعك انسان سيئ وإن وقوفك جنبه دا واجب عليك مش فضل منك ويخليك تندم في يوم من الأيام علي كل حاجه حلوه قدمتها له لأنه انكر جميلك اول ما ربنا كرمه .
أسباب نكران الجميل
سبب نكران الجميل او عدم الاعتراف بيه هي قلة الأصل والغيرة والحقد اللي ملئ قلوب الناس.
البجاحه : لما يجيئ الشخص اللي وقف جنبك يقولك انت بتعمل معايا كدا ليه افتكر حتي اني وقفت جنبك في يوم من الأيام يرد يقولك انت وقفت جنبي بمزاجك محدش قالك اقف جنبي غصب عنك يخليك تندم علي كل ذرة خير عملتها معاه .
النقص وعدم ثقته بنفسه : يحقد عليك لمجرد انه شايفك احسن منه وهذا دليل علي عدم ثقته بنفسه وإن هو اللي ليه فضل مش انت.
التعامل مع الأشخاص دي متعب ومرهق جدا وعدم الاعتراف بالفضل بالنسبه ليهم صعب عليهم ومهما تعمل معاهم او عشانهم عمرهم ما هيفتكروا انك ضحيت وعملت اللي ما يتعاملش معاهم لانهم في الآخر هيقولوا عملت بمزاجك محدش غصب عليك ومش هتلاقي حتي كلمة شكرا تخليك مبسوط زي ماكنت بتبسطهم وتخلي الضحكه والفرحه علي وشهم لاكن اوعي تنتظر منهم رد الجميل ولاكن انتظره من "الله" عز وجل لانه هيكرمك بأضعاف أضعاف الخير اللي قدمته لغيرك.
"وعشان كدا بقولك انهي انت زمن المجامله".
إرسال تعليق