النهارده أنا جاية أخدك من إيدك لرحلة مُـرعـ بة، هنرجع بيها لأكتر من 1400سنة تقريباً..
فعاوزك تركز معايا، لأن رحلتنا النهارده، هنكشف بيها واحد من أهم أسـ رار الأرض ..
وكيان من أهم الكيانات الماورائية في الإسلام ..!
خليني في البداية أقلكم إن الأرض كل يوم بتمهد لظهور فتـ نة، من أعظم الفتـ ن إللي هتمر بيها الأرض ..
فتـ نة الدجـ ال الأعـ ور، وهو كيان بشري مٌرعب هيخرج يدعي الألوهية في نهاية الزمان..
وهيكون معاه كُل الأدوات، إللي تهيأ الناس يصدقوا كلامه..
سواء إحيـ اء المـ وتى، أو إخراج كنوز الأرض .. إلخ
وغيرها من الأمور إللي تلعب على شهـ وة الإنسان، بمساعدة جيـ ش إبليـ س..!
والمعروف إن "الدجال" موجود من قديم الأزل، مقيد في جزيرة محدش يعرف مكانها..
فيه ناس طلعت وقالت إن رغم التطور التكنولوجي ده فيه أماكن على وجه الأرض مقدرناش نوصلها،
وناس مع ظهور نظريات عن الأبعاد الموازية، قالوا ممكن الجزيرة ديه تكون بينا وبينها حجاب، يخليها فبعد موازي عنا منقدرش نوصلها ولا نشوفها..
زي ما الجـ ن فعلياً معانا على نفس الأرض، وعلى عنينا حجاب بيجعلنا منشوفهوش..!
لكن الكلام ده كله عن عدم وصولنا لمكان الجزيرة، مجرد فرضيات مش أكيدة..
لكن خليني أقولك الأكيد..
تفتكر فيه حد قدر قبل كده، يوصل للجزيرة ديه؟
طب تفتكر لو حد قدر يوصل فعلاُ لمكان الدجال، هل كان الدجـ ال الكيان المرعب الوحيد الموجود هناك؟!
خليني أقولك إن فيه مجموعة من البشر فعلاً قدروا يوصلوا لمكان الدجال، عشان يكتشفوا معاه كيان اّخر ميقلش رعب عنه..
أنا وأنت دلوقتي على متن سفينة، عليها رجل تقي اسمه "تميم الداري"، ومعاه 30 راجل كمان على متن نفس السفينة..
عشان يبدأ الموج يزيد، ويفضل يلعب بيهم في البحر لمدة 30 يوم..
ويرسي بيهم الحال على جزيرة غريبة مهجورة..
ولما بدأ الليل يدخل عليهم، قرر الراجل ده هو إللي معاه ينزلوا الجزيرة يشوفوا أي حد يساعدهم..
ولكنهم فجأة قابلو كيان غريب، شبه الحيوان وكان عليه شعر مغطيه بشكل مخيف وكبير،
لدرجة إن الناس دول بقوا مش عارفين الحيوان ده واقف بوشه ولا بقفاه..
يمكن لحد هنا الموضوع يدخل في حدود المعقول..
مجرد حيـ وان غريب، ممكن من سلالة محدش سمع عنها خاصة إنهم على جزيرة مهجـ ورة ،
لكن الغريب إنهم لما بدأوا يسألوا ويقولوا إيه ده؟!
الكيان ده بدأ يكلمهم، ويرد عليهم زي ما تكون بتكلم بني اّدم من لحم ود م..!
وبدأت الجساسة تقولهم:
وقالت أنا الجساسة ، وقالتلهم روحوا لراجل في الدير ده مشتاق يسمع أخباركم ..وطبعاً كانت تقصد "المسيح الدجـ ال "
، فطبعاً لما لقوها بتتكلم وبترد عليهم خافوا وهربوا منها،وخافوا لتكون شيطانة ودخلوا بسرعة الدير فلقوا جوا مسيح الدجال مقيد، وبدأ يسألهم عن بعض العلامات..!
إلى الاّن الناس اختلفت في تفسير الكيان ده، ولكن من بين التفسيرات ديه:
1- إن الجساسة كيان شيـ طاني بيخدم المسيح الدجال..
2-إن الجساسة هي نفسها الدابة إللي هتخرج تكلم الناس اّخر الزمان..
وبعد المقابلة للكيانات المرعبة، وأعظـ م فتـ نة في التاريخ،
قدر "تميم الداري" يبحر من جديد ويوصل تاني لبلده،
وحكى إللي حصل معاه للرسول، وأعلن اسلامه ♥
علشان يكون الحديث ده واحد من علامات النبوة بعد كده ..