أنا متزوجة من 3 سنين وتزوجت عن حب أنا طيبة جدا علشان كده بتعب في حياتي كتير ومش بتعلم من الللي بيحصلي للأسف زوجي برج الحمل وأنا برج السرطان واكتشفت أنه نرجسي بس خفي شوية بيحبني جدا بس مش بيجيبلي حاجة مع أن معاه ومش بعرف اتعامل أوي هو دماغه كده ماشفتش كده في كل حاجه ولما بقوله حاجة عن حياتنا مثلا أن ده غلط عاوزين نعمل كده يقولي عندك حق بس مش بيعمل بكلامي أبداً كل شيء من دماغه بيكون أوقات فيه تأثير من والدته أو من العائلة.
لما اتكلم معاه مفيش عنده نقاش إلا بمزاجه مرة طلبت الطلاق وكان هيضربني وحصل كتير.
ليه ابن معايا وبربيه لأنه زوج تاني ليا وهو كذلك دايما بيقولي انتي توبتيني عن كل حاجة في حياتي انتي مفيش منك مقدرش استغني عنك لحظة المهم حصل مشاكل كتيره الفتره اللي فاتت دي.
وجبت أخري من حاجات كتيرة وبيسب الدين بطريقة صعبة قلتله مش هقدر اكمل في الحياة دي ضربني وكانت شروع في قتل موتني بمعني الكلمة وأول مرة تحصل.
جالي جلطة في وشي وبوقي أمي وابن عمي لقوني كده قالي مش هتخرجي من البيت دا نهائي تعالي على نفسك كام يوم هو بيقول هيجيبك وتغير جو عند أمي أنا متجوزة في القاهرة وأنا أصلاً من المنصورة لما ضربني أخد تليفوني وقفل عليا عشان مخرجش المهم جيت على نفسي لما جيت عند ماما وسبته يمشي قولتله سيبني كام يوم علشان تعبانة مش قادرة أوصفلك تعبانة من دماغي وكشفت مخ وأعصاب وبنام بمنوم لأن الضرب كان قاسي في دماغي المهم من كان يوم قلناله أن خلاص مش هرجعله اتخانق مع أمي وقال تمام أما أشوف الموضوع دا عندنا وما اتكلمش من وقتها هو مش هيتكلم أنا تعبت وكرهته بطريقة صعبة لأن اديتله فوق مما تتخيل لما بسمعلك أو بسمع لحد بتصعب عليا نفسي أن ازاي مكنتش قادره اتعامل كده فهمت حاجات كتير عاوزه اغير شخصيتي تمام عاوزه حد يعيني اطلع من الفتره ال فيها دي والتغير ف كل حاجه.
معدش عندي ثقه في حد كرهت نفسي بنام بطريقه صعبة ليل مع نهار مش عاوزة أشوف حد ولا اتكلم مع حد ولا أخرج مرتاحه في النوم وبس وبنتي سنتين ونص ومتعلقه بيا ولسه ها يعني وخده ع امي وابي واللي في البيت شوية.
صعبان عليا نفسي جداً عاوزة ابقي حد تاني ساعدني الله يكرمك.
الحل
في البداية أحب أقولك ألف سلامة عليكي، وأحب أقولك كويس إنك بعدتي لفترة علشان تقدري تقيمي الأمور بهدوء، وبالفعل أخدتي القرار الصح، بس لازم الأول تتكلمي معاه بعقلانية وإن حياتكم مش هتنفع تكمل بالشكل ده، لازم يصلح من نفسه أولا علشان نفسه وعلشان أولاده يعيشوا ويتربوا بشكل صحي وسليم.
وإذا أصر وما اتغيرش لازم تنفصلي عنه علشان صحتك وصحة أولادك النفسية.
حاجة تانية لازم تخرجي وتنزلي للدنيا وتغيري جو، ولازم تشوفي ناس ثانية وتتكلمي معاهم وتعبري عن نفسك، وحاولي تلاقي شغل مناسب ليكي ولمؤهلاتك.. الشغل هينسيكي حاجات كتير، وهيخليكي تلاقي نفسك اللي إنتي مش لاقياها دلوقتي.
الدعم النفسي مهم جدا لازم تفتحي قلبك وتتكلمي مع الناس اللي بتحبك بجد هما دول اللي هيساعدوكي بجد، وهيطلعوكي من اللي انتي فيه.
إرسال تعليق