قام المخرج الشاب احمد مرجان مؤسس فريق ( تياترو تيم للفنون) ببدء ورشة إعداد ممثل في شهر يناير الماضي وتم الانتهاء منها في شهر مارس الجاري بتاريخ 15 / 3 / 2024 ، والذي قام فيها المخرج / أحمد مرجان بتدريب المشتركين بالورشة حتى التمكن.
الدفعة الأولى لورشة إعداد ممثل
وقد كانت هذه الدفعة الأولى من ورشة إعداد ممثل في فريق ( تياترو تيم للفنون ) بقيادة المخرج / أحمد مرجان، وكان المتدربين هم:
المتدرب / احمد عامر
المتدربه / حبيبه محمد
المتدرب / ياسين سليمان
المتدربه / منه عامر
المتدرب / محمد محمود
المتدرب / عبده محمد بدران
رسائل للمخرج أحمد مرجان
وفي يوم التخرج كان كل منهم يوجه رساله للمخرج / احمد مرجان
الطفل احمد عامر / اتعلمت من حضرتك كتير وعرفت يعني إيه مسرح ويعني إيه اتجاهات وبؤرة مسرح واتعلمت ارتجل واجيب رياكشن وكنت مبسوط اوي معاك ومع صحابي وباذن الله هنعمل عروض حلوة.
محمد محمود / كنت دايما بتكسف وبكون محرج وانا بتكلم مع الناس حضرتك خلتني اعرف اتكلم مع كل الناس وحببتني في المسرح وعرفت اساسيات المسرح واتعلمت تمارين كتير جدا وحسيت اني انسان جديد او خليها فنان احسن.
منه عامر / اشتغلت مع حضرتك مسرح بس مكنتش اعرف كل ده لما دخلت الورشه الموضوع معايا اختلف وبقيت عارفه كتير اوي على المسرح وجاهزه اني اطلع عروض في اي وقت وبجد اتعلمنا منك كتير.
ياسين سليمان / مكنتش فاهم ان المسرح فيه كل التفاصيل دي بس بجد اتعلمت من حضرتك كتير وباذن الله هنشرف حضرتك في العروض القادمه وهنكون قد الثقة.
حبيبه محمد / اول مدخلت الورشه كنت دخلاها كتحربة ولقيت الموضوع مختلف تماماً وحببتني في التمثيل و المسرح وحسيت ان بقى ليا كيان ومبسوطه اني اتعرفت على أصحاب وأخوات وباذن الله نقدم فن مع بعض كويس.
عبده محمد بدران / كنت على طول لوحدي وما بحبش اتكلم مع حد ووالدي قالي لو هتفضل زاي ما أنت احسن متروحش خدت الكلام ده حافز ليا وجيت وقدمت في الورشه والحمد لله اتبسط واتعلمت كتير رغم اني كنت في الاول محرج ومتوتر شوية بس مع استاذ احمد كل ده راح وبجد اتعلمت كل حاجه تخص المسرح على إيد مخرجي احمد مرجان.
مكافأة من المخرج
وكانت مكافأة المخرج الشاب / احمد مرجان، انه قرر ان يمنحهم الفرصه الاولى بلاشتراك في العرض المسرحي ( رمضان في مصر حاجه تانيه ) والتي تعد مشروع التخرج الخاص بهم ويتمنى لهم كل النجاح و التوفيق.
منهج الورشه
1 _ اساسيات المسرح
2 _ تمارين المسرح
3 _ كسر الحرج و الثقه بلنفس
4 _ خلق وبناء شخصيه وايجاد ابعادها
5 _ الخيال
6 _ الارتجال
7 _ الكركترات
8 _ ادوات الممثل
9 _ تعبيرات الوجه
10 _ الحركه على المسرح
11 _ قوه الخيال و الذاكره الانفاعاليه
12 _ دايره المشاعر
13 _ التمثيل الصامت
14 _ قوه التركيز و الثبات الانفعالي
15 _ الصوت و النفس
16 _ الاداء
17 _ تطوير الموهبه و العمل عليها بشكل فني
18 _ الحفظ لادوار كبيره
19 _ الالقاء
20 _ التعبير الحركي ولغه الجسد
21 _ كيفيه قراءه النص
22 _ علاقه الممثل بكل عناصر المسرح
23 _ تنميه القدره على سرعه البديهة
24 _ بناء نص وعرض مسرحي بدون مؤلف
25 _ مشروع تخرج بشهاده وعرض مسرحي
وقريباً جداً سيعلن فريق ( تياترو تيم للفنون ) عن بداء الورشه المجانيه لكل من يمتلك الموهبه.
إرسال تعليق