انا 17 سنة ومشكلتي اني معرفش اتكلم قدام او مع بنت و مدخلتش تجربه قبل كدا ولما بشوف البنت إللى انا
بحبها بتكسف اكلمها بشوفها من بعيد بس بخاف اقرب منها
انا بحب واحدة بس مش
عارف اقولها ازاى وافتح كلام معاها ازاى
انا اصلا بتكسف منهم
عمرى ما اتكلمت مع واحدة ولا أي حاجه
الحل..
في الأول يشرفني جدًا
انك اتكلمت معايا بكل صراحة ووضوح وهحاول اكلمك بلغة بسيطة وسهلة جدًا، لغة من
القلب للقلب..
تعال اقولك ع حاجة بعد
ما نصلي ع النبي سوا كده هو انت لما مثلا تيجي تبني مبنى، هل انت هتبني مثلا الدور
العاشر الأول، اكيد لا
طب نسأل سؤال تاني لو
انا ركزت وانا بنبني المبنى ده اني الاساس بتاعه يكون قوي، مش سهل ابنى فوقيه
براحتي وبثقة؟ اكيد طبعا نعم سهل ابني بكل سهولة لأن الأساس قوي
طب بطبيعية الحال لو
انا بنيت العاشر الأول هفشل وهقع او لو استعجلت في الخطوات الأولى واساس المبنى كروته
يعني بالبلدي كده هيقع بسهولة
انت بقى هنا اساس حياتك
حاليًا انك تبني نفسك تبني شخصيتك تبني احلامك وطموحاتك، مش بس فكرة اني اكلم بنت
واحب وادخل في علاقة وتدخل نفسك في ضغوطات هتخسرك مش هتكسبك
يعني برضة عشان اكون
اوضح وكلامي يبقى واضح ليك، تخيل نفسك لو ركزت انك تطور نفسك في المرحلة دي وتنجح وتيجي
مثلا بعد 4 او 5 سنين مع خبراتك الي هتكتسبها
وترتبط وتحب هتلاقي نفسك بتاخد الخطوة وحاطط رجل ع رجل بالعكس هتلاقي هما
اللي بييجوا لحد عندك صح ولا لا
هو ده الاساس اللي
بكلمك عليه في المثال اللي قولتهولك في أول كلامي وأنت راجل.. يا سيدي لو ارتبطت
دلوقتي شوف بقى انت هتدخل نفسك في مسؤوليات اد ايه
وازاي اتقدملها وازاي
اشتغل وازاي احقق احلامي وازاي طور نفسي وازاي اصلا ههتم بيها وانت لسه عندك 16
سنة هتحمل نفسك فوق طاقتها غير بقى وجع القلب وطاقة بتضيعها وزن البنات وقرفهم في
العلاقة طاقتك هتستهلك ع الفاضي المحصلة هتلاقيها صفر في الاخر..
قدامك الطريقين فاعقلها وتوكل..
اتمنالك كل خير يا صديقي..
إرسال تعليق