الشيطان صحاني عشان اصلي الفجر !!هحكيلكم حاجه تعرفكم ازاي تخالف هواك! لا وازاي كمان تحارب شيطانك بكل بساطة، كان عندي صديق أمام وخطيب وكنا ماسكين المسجد سوا في عام ٢٠١٨.
وفي مره في صلاه الفجر صحيته عشان يصلي بالناس الفجر فهو أكبر مني؛ وأفقه مني؛ وهذه من شروط الإمامة
نيجي للمهم بقا... صحيته واستنيت يجي مجاش
فصليت أنا بالناس وبعد الفجر نمت والظهر رحت اجيب غدا وكده وبقوله " تعالي ناكل بقا؛ (قالي صايم) ...
قولت له لي! دا النهارده الأحد... قالي أنت صحتني الفجر
والشيطان نيمني فقولت أأدبه بقا ضيع عليا الفجر
فصمت يوم عشان ربنا يبعدني عن النار سبعين سنة
"قال رسول الله صلى الله عليه وسلم " من صام يوماً في سبيل الله باعد الله وجهه عن النار سبعين خريفه."
دا بقا ليفل عالي أوي في مخالفة الهوي.... خالف هواك
بالطاعه....
وبعد كام يوم علي كده لما ميصحاش يصلي فيصوم!
بعد اسبوع كده بقيت اصحي ألاقيه صاحي بدري اوي
لي صاحي يا شيخنا! يقولي الشيطان صحاني!
صحاك ازاي!
بتهزر! قالي لا والله هو بقا يجي قبل الفجر يوقع كوبايه في المطبخ يهز اي حاجه المهم يصحيني عشان اصلي ومصمش
وابقي كده ضيعت تعبه في بعدي عن النار سبعين سنة بصوم يوم واحد!
زي ما يكون بيقول لنفس اصحيه أحسن حاجه اخف من حاجه😀
شوفت بقا مجاهده النفس؛ خالف هواك تنجو من كل شر
انشرها لغيرك ولك اجر من أنتفع بها إن شاء الله في ميزان حسناتك"