جربت في مرة تدخل جواك وتتعرف على أي اللي بيحصل وأي اللي ناوي يحصل ....
في يوم شخص قرر أنه لازم يدخل جوا نفسه علشان يغير حياته رأساً على عقب على الرغم أنه باللي بيعمله ده لوحده ( رأساً على عقب) المهم ....
أول ما فتح الباب قابله في وشه أفكار كتيرة محتاجه تخرج و طبعاً بعد حالة الفزع والرعب اللي كان فيها باعدهم عن طريقه ودخل قابله عدد غير طبيعي من الناس قاعدين جوا فطبيعي حالة الاستغراب اللي كان فيها واندهاشه... ازاي في ناس بالكم ده قدرة تدخل من غير ما أحس وقبلي ؟
وبعدين كل مشي وفجأة ازدادت حالة الرعب ووقف زي التمثال تفتكر أي اللي شافوا !!!!!!
شاف غرفة كبيرة جداً وبابها غريب ومكتوب عليها ممنوع الاقتراب أو حتى التصوير ! تفتكر أي الغرفة دي ؟
هقولك بعدين ....
المهم أنه كمل مشي وهو حاسس أنه لأول مرة لا يفقه في حياته شئ بعد خطوتين وجد صندوق مقفول ومكتوب عليه " لا يرى لكن في غاية الخطورة " !
فقرر بعد اللي شافه ده أنه يستخدم الحل الوحيد للموقف اللي هو فيه ....تتوقع عمل أي ؟!
هقولك..
فتح عينيه
أي ده بس !! اه بس كده فتح عينيه على حقيقة الحاجات دي وهو بنفسه هيقولك هو شاف أي لما فتح ...
أزيك ...👋
بعد ما فتحت عيني وشوفت الحاجات دي لأول مرة اكتشفت أن كان لازم من أول يوم فهمت يعني أي حياة ..حقيقي كان لازم ادخل
الأفكار اللي لاقيتها في وشي ومعرفتش ادخل في الأول بسببها هي المواقف اللي انا بقابلها كل يوم وبقعد اعملها خانه في دماغي و عد بقى كام موقف ....
وبعدها لما لقيت ناس عددها مهول وأن ازاي دول دخلوا قبلي ده أنا شخصياً دخلت بصعوبة بالغة
لما قربت منهم لقيت دول كل شخص بدخله حياتي وهو مجرد عدد عامل زيادة سكانية في حياتي وبس حتى هو نفسه ناسي أنا مين ..
والباب اللي الغريب اللي لقيته ده اااااااااه صح نسيت اقولكم إني فتحته قبل ما امشي أصل مش بعد المشوار ده اسيب المكان مادخلوش الحق العرض .....
لقيته هو مصدر كل لحظة كنت قاعد فيها عادي وقمت معيط وكل مرة كنت فرحان فيها وفجأة أخدت جنب وبدأت تتشائم من الخطوة دي ... لما ركزت لقيت مكتوب على الباب من جوا ( الطاقة السلبية) .. اكتشفت أن كل مرة أقتنعت بأن الموضوع انتهى برغم اني عارف أنه لسه منتهاش وأن لسه في قطعة سوداء منه جوايا عماله تملي الغرفة دي يوم ورا يوم لحد ما بقى التنفس صعب فيها .
خرجت بأعجوبة ولما وصلت للصندوق اللي لا يرى ولكن في شدة الخطورة وممكن يكون سلاح معايا أو ضدي !
فتحت الصندوق ولقيت الشئ اللي معايا فكل ثانية بس أنا ناسيه وهي " النوايا " ....
كل مرة كان الموضوع واضح وبسيط وأنا حملت نية سلبية تجاه حد في الموقف ده ..
وكل مرة حد ضرّني لكن حملت ليه جوايا كل خير ..
......................شوفت ......................
مش قولتلك كان لازم أدخل و أهو عرفت حاجات كنت ممكن أعيش حياتي كلها بحسابات غلط .
كلنا عندنا نفسنا وكلنا عندنا نفس المحطات بنفس الترتيب اللي هيختلف أنت شوفت كام حاجه منهم قبل كده ....
الأهم من كل ده لازم لما تقرأ قصتي دلوقتي حاول تدخل دي ( نصيحة العمر ) .
اااه صح ولازم منساش أشكر اللي بسببه قدرت أدخل وساعدني ف ده وهو " ضميري "
بالمناسبة ده كمان عندنا كلنا بس أنت أطلبه وهو ف جزء من الثانية هيبقى عندك .
وده كان حديثي مع نفسي لأول يوم فالسنة الجديدة... شكراً .