يمتلك 4 مواهب في موهبة واحدة.. محمد ناصر يثبت تألقه في أكثر من مجال

محمد مع إحدى رسوماته

 

كتبت – إيمان رأفت

 

الرزق قد يكون على هيئة موهبة عظيمه يعطيها الله لبعض من عباده ليستخدمها كسلاح يدفع به صعوبات الحياة، وينجز بها الكثير من المهام، كما أن كثيرا من المواهب تعد مصدرا للدخل والعيش يقتات منها المرء.

 

التعرف على الموهبة

 

بدأ محمد ناصر الشيخ صاحب ال 23 عامًا فى العمل مع والده فى ورشه لتفصيل الملابس وهو فى الصف الثالث الابتدائى، واكتشف موهبته من خلال جمعه الخيوط والزراير والأدوات التى كان يستخدمها والده خلال مهنته، استخدم هذه الأدوات وصنع منها أشكال هندسية وحيوانات وتطور الأمر برسم الأشخاص، واستمر فى ذلك إلى عام ٢٠١٩ ثم استخدم السوشيال ميديا لنشر أعماله.

 

-تطوير طرق الرسم

١-أولى محاولات محمد كانت لرسم محمد منير بالزراير ولكن المحاولة فشلت وبدأ يفكر ازاي يحتفظ بالرسمه وتوصل لطريقه الرسم بالمناديل، الطريقه دى تقريبا مفيش شخص فى مصر ولا فى الوطن العربى بيستخدمها وده السبب الرئيسي لتمسك محمد بيها، فى البدايه كان صعب جدا عليه استخدام هذا النوع من الرسم لانه بيستخدم وقت كبير ومرات الفشل بتكون أكتر لكن بينجح فى النهايه.

 

٢- تانى محاولة كانت باستخدام انواع جديده للرسم وبمكونات بسيطه سنذكرها فيما بعد، وكان بيتم استخدامهم عن طريق دمج المناديل والاكياس البلاستيكية وأدوات التطريز كل دول كانوا بيشاركو فى تكوين الصوره، فكلما زادت الأدوات زادت ساعات العمل.

 

٣- تالت محاولة وهى ابتكاره لفكرة جديده ومختلفه تميزه عن غيره وهى فكره الأسلاك الكهربائية، وطبعا كانت صعبة جدا وبتاخد وقت، بس هدفه الوحيد انه يكون أول واحد فى العالم يرسم بالأسلاك الكهربائية وأول واحد يرسم رسمتين فى رسمة واحدة باستخدام الأسلاك، والملحوظ فى عمل محمد إنه بيحب يحول شئ عادى فى نظر الناس وله استعمال واحد إلى شئ جديد متعدد الاستخدامات، وهدفه في النهايه انه يرسم مجموعه من الرسومات متعدده الأبعاد والزوايا بمعنى أنها تكون رسمتين فى رسمه واحده، بحيث تكون رسمه تشوفها بشكل ولما تقلب الرسم تشوف رسمه تانيه، وده كلن بيحتاج مجهود كبير وكمان محاولات الفشل كتير من ٥ مرات إلى ٢٠ مره عشان يوصل لأحسن شكل.

 

٤- رابع محاوله الرسم بخيط التريكو والمكرونه الاسباجتى، السبب فى اختياره لهذه الطريقة أنه يحول أشياء بسيطة متوفره فى أى بيت إلى أنتيكا أو رسمة، بس كان هناك صعوبات فى استخدام الاسباجيتي لأنها هشه جدا وبتتكسر بسهوله ومرهقه فى الحفاظ عليها ولكن بفضل الله تم تنفيذ أول ١٠ رسومات.

 

استخدمت ٣٢ نوع رسم جديد محدش في العالم بيستخدم بالمكونات دي

 

ذكر محمد الأدوات التى كانت وسيلة لاستخدامه فن الرسم وساعدت على خروجه من الطرق التقليديه التى يعتاد عليها الكثير  وهما:

 

( الدانتيل، برونز، قماش، مكرونه عادية، عدس أصفر، مكرونة إسباجتي، عدس بجبه، مكرونه بشاميل، حديد، مسامير، لب أبيض، لب صوبر، لب سورى، سودانى، ورق فوم، الفِّل، الذره، الفاصوليا، لسان العصفور، الفنكوش، الشطة، القهوة، السوست، الزراير، الخيوط، أدوات التطريز، الشريط اللاصق، الأكياس البلاستيكية، الأرز، الرمل ، السكر، المناديل الورقيه، السمغ).

 

اهتمام محمد بالحضارة المصرية القديمة

 

قال محمد  : " فكرت ارسم حاجه مختلفة تجذب الكل وتكون فكرة جديده، فبعض الفنانين مش مهتمين  بالحضاره المصريه القديمه وانا اخذت القرار  ان اهتم بيها اكتر.،كنت عايز اهتم اكثر واكثر بنشر الحضاره المصريه القديمه والملوك والالهه بطرق مختلفه وبامكانيات وادوات بسيطه في اي بيت واختارت الالهه بالذات لان  النسبه الاكبر من الرسومات لمعظم الناس ما تعرفش الاله بتعرفش شكلها فعشان كده اهتميت اكثر بالاله".

وأضاف: "بدات التنفيذ وهنا  فكره كانت في  لونها وشكلها يوحي اكثر من الحضاره المصريه القديمه وتكون شبه  الذهب،وكنت عايز كمان اضيف الطبقه الاسباجتي وتصنع شكل وبريق  العصري".

 

موهبتي مش مقتصرة على الرسم فقط

 

تابع محمد حديثه : " انا اشتغلت ٢٧ مره مسرح في ساقيه الصاوي و اسكندريه وكذه مسرح في القاهره  و مسرح النهار والهوسابير  كاممثل ،، والفت مسرحيتين وفي الشهور القادمه هيتم العمل والشغل فيهم،،، واشتغلت في  مساهمه في الاخراح العروض المسرحيه مابين الجامعه وبرا الجامعه"

 

بعض الآباء يطمسون مواهب أبنائهم بالتجاهل والإهمال ولكن موهوبنا تلقى دعم كامل وتشجيع مستمر من والديه

 

واصل محمد : "والدي ووالدتى بس هما اللي بيدعموني الدعم الكامل، اخواتي مش اوي، اصدقائي بيبقو مراحل شويه يدعمو وشويه لا وهكذا للاسف مش كلهم بيبقو موجودين للدعم علي طول ؛ لانهم مش مدركين ايه اللي انا بعملو بس انا بعزرهم لا ده بعيد عن ادراكهم".

 

تفاصيل رسمة الفنان فان جوخ والتى تعد اكثر الرسومات صعوبة بالنسبة لمحمد

قال محمد :  "بالنسبة لى واجهت صعوبات كثيره فى الرسم ولكن أكثر رسمة بذلت مجهود ووقت هى رسمة بالخيوط للفنان العالمى فان جوخ، رسمة اخذت وقت سنة ونصف ، عدد محاولات الفشل ٢٤٦ ونجحت فى المحاولة ٢٤٧، كنت كل يوم مخصص من ساعة إلى أربع ساعات أجرب وافشل وانجح فى جزء والجزء التاني يفشل لحد منجحت اخيرا، الرسمة مصنوعة بالكامل من الخيوط بصناعة يدوية عن طريق خياطة بالابره والخيط على القماشة ، وتعتبر الرسمة دي اول رسمه في العالم لفان جوخ بدون لحية مصنوعة بالخيوط وهي لا تقدر بثمن "

 

أهداف المبدع محمد ناصر الشيخ

 

قال محمد : "بفكر أحول الرسم لمهنة وبفضل الله بعت رسومات كثيرة ولكن تعلقي برسوماتى كانت بتاثر عليا لدرجة اني فكرت ارجع فلوس الرسمه لاني حسيت ان في حته من روحى مش موجوده فى البيت"

 

وأضاف بتمنى أوصل شغلى للعالم كله، وأوصل ل ٣٠٠ نوع من أدوات الرسم واكون انا الوحيد ال بستخدمها انا وصلت ل ٦٠ نوع ومستمر فى اكتشاف باقى الأدوات وده  تعطى للاشياء قيمة مش العكس.