كتب - محمد فتحي
لا تيأس وإن عظمت أمنياتك.. فهي تصغر أمام الدعاء حيث قال الله تعالي " ادعوني استجب لكم، حيث أن اليأس يشبه الموت مثلما قال "الزعيم مصطفي كامل " : لا يأس مع الحياة ولا حياة مع اليأس، وهذه المتفوقة أرادت ان تحقق أحلامها دون يأس او استسلام
نصيحة روان احمد حول تنظيم وقت المذاكرة
حيث قالت روان احمد المذاكرة من الأشياء اللي انا مؤمنة انها بتتفصل حسب ظروف كل طالب و حسب الفروق الفردية لكل شخص لان ف ناس بتذاكر الصبح و ناس بتذاكر بليل و ناس ماشية علي جدول مذاكرة و عارفة تنظم وقتها و ناس محتارة ف حاول متربطش نفسك بنظام مذاكرة مثالي وثابت لان الظروف المثالية قليل ما بتيجي ولا انت مطالب منك تموت وتضغط نفسك فوق طاقتك اعمل اللي تقدر عليه و الاهم ذاكر وقت ما تعرف تذاكر صبح بقي او ليل علي المكتب المهم تذاكر و خلاص طالما مرتاح مع طريقتك و بتعرف تحل بناءآ عليها ممكن تتطلع علي طرق غيرك فالمذاكرة من باب الاستفادة لكن مش ضروري تطبقها طالما مش مناسبة معاك انا عن نفسي مكنتش بعرف انظم وقتي ولا عمري عملت جدول مذاكرة و نفع و ملييش مواعيد معينة بذاكر فيها .
اسلوب روان احمد في تحديات وصعوبات نظام التعليم الحديث
وقالت روان احمد الفكرة اني مبخليش حاجات كتير تتراكم عليا لو عندي واجب بعمله عندي امتحان بذاكرله و طبعا آخر شهرين هما دول اللي فيهم الشغل كله و الاهم من انك تحل الف كتاب انك تستفاد من الاسئلة اللي بتحلها و تفهم افكارها و مفاتيح الحل اللي فيها لان سؤال نفسه مش هيجيلك فالامتحان انما الفكرة ممكن تيجي بس في صيغة مختلفة وكنت بتابع بردو تطبيق اليوتيوب مع مدرسين مضمونين و بحل من مصادر مختلفة ولو اي شخص يقدر يدرس اونلاين عن طريق مدرسين الإنترنت يبقي افضل علشان هيوفر وقت و جهد و مصاريف بس ده لو الطالب ضامن انه هيتابع أول بأول و مش هيسيب حاجة تتراكم عليه ونحاول علي قد مانقدر اننا نذاكر من كتب مختلفة والأهم من الشرح هوا التطبيق علي الأسئلة علشان نقدر نفهم المعلومة علي كذا صيغة.
مساعدة المدرسين والأقارب هما اساس وصولها للتفوق
حيث قالت روان احمد أنا أكيد بشكر كل المدرسين وربنا يجعل تعبهم معانا في ميزان حسانتهم و حقيقي المدرس هو قادر انه يحببك فالمادة و الدراسة كلها او يكرهك في حياتك كلها ف اختار المدرس الصح و أحب اشكرهم و اشكر ثقتهم فيا لانها كانت دايما بالنسبالي دافع اني اذاكر شكرا ليهم من كل قلبي بجد يارب اكون قدرت اكون عند حسن ظنهم
و أشكر اهلي طبعا اللي فرحولي اكتر ما انا فرحت و الحمد لله كانوا هيتقبلوني و يفرحوا أيا كان المجموع اللي جبته او الكلية اللي دخلتها.
حلمها وهدفها التي تسعي إلى تحقيقه
بعد نجاحها في الثانوية العامة بتَأَلَّقَ وبعد أن التحقت بكلية السياسة والاقتصاد زادت أحلامها وطموحاتها اكثر حيث انها تسعي الي البدء في الدراسات العليا وتتمني ان تجد منحة ماجستير في الجامعة الأمريكية