أروى فرعون.. فنانة تخطف قلوب المشاهير برسوماتها

 

اروى فرعون

اروي فرعون من محافظه الدقهلية في الصف الثاني الثانوي، ورغم صغر سنها استطاعت أن تصل لمكانة مميزة وترسم العديد من الرسومات للشخصيات الشهيرة خاصة وأنها تعشق وتحب الرسم، كما نال رسمها إعجاب الكثير من المشاهير، تعالوا نتعرف على قصتها

 

تقول اروى عن الرسم: "الرسم ممكن يكون الحاجه الوحيده اللي بقدر اخرج طاقتي السلبيه فيها ، اتعلمته من التغذيه البصريه والتدريب الكتير".

 

وتضيف: "برسم وقت كبير مش علي قد وقت الفراغ بس برسم ف اي وقت مفيش وقت معين، واتعلمت لوحدي كنت بدرب كتير وبشوف فيديوهات بس الاساس التدريب الكتير".

 

وتتابع: "مفيش حاجه مفيهاش صعوبات بس زي ما فيها صعوبات فيها السهل برضو، واهلي وصحابي واصحابي اللي عندي علي بيدج الرسم ، بيحبوا رسمي ودايما فخورين بيا".

 

وواصلت: "اطمح لأكون حاجة كبيرة في مجال الرسم، لأنني أميل وبشدة لهذا المجال، وحابه مجال الديجيتال رسمت ورقي فتره كبيره بس اتجهت للديجيتال".

 

وعن أصعب الرسومات تقول: "ممكن الرسومات اللي بتبقي لناس مشهوره بتبقي صعبه شويه لاني بطلع كل مجهودي وطاقتي فيها، اكتر رسمه اخدت وقت كانت 11 ساعه"، وعن أكثر رسمة قريبة لقلبها: "اكتر رسمه قريبه لقلبي كانت قطه وفيها جو من الرسام فان جوخ ف رسمهْ".

 

وعن طموحاتها ونصائحها للآخرين: "نفسي اعلي بمستوايا ف مجال الرسم وابقي رسامه معروفه اكتر، وبنصح أي حد حابب يدخل مجال الرسم: "طور من ذاتك وكمل ف الحاجه اللي بتحبها"، كما وجهت بالشكر للصفحة قائلة: "وأحب اشكر المنصة علي دعمها لأصحاب المحتوى".