سندس خالد تبرز موهبة الرسم بالرصاص وتؤكد: طفولتي بداية اكتشاف موهبتي

 

أكثر رسمها تحبها سندس خالد وقامت برسمها

 

كتبت – إيمان رأفت

 

يعد فن الرسم من الفنون الأكثر جمالا، فالرسم من الهوايات الجميلة التى يتميز بها البعض، حيث يستطيع الفرد من خلال الرسم التعبير عن نفسه وعن ما يشعر به وتوصيل أفكاره بشكل راقى، سنعرض لكم فى هذا الموضوع عن الموهوبة الجميلة سندس خالد صاحبة ال ١٧ عاما محافظه القليوبية.

 

طفولتى كانت بداية لاكتشاف موهبتى

 

قالت سندس : " ابتديت الرسم منذ الصغر، وأصبح شئ أساسى فى يومى، أنا كنت برسم مع معلمتى فى الفصل دايما وبفضل الله رسوماتى كانت بتبهر أصحابى وتعجب الكل"

 

الكورسات ليست شرط أساسى لتطوير الرسم

 

أضافت سندس:  " أنا اتعلمت الرسم لوحدى ما اعتمدتش على الكورسات، كنت دايما بطور من موهبتى فى الرسم من خلال إنى بشوف رسومات وأرسم زيها، وحاولت اتعلم من اليوتيوب ودا كان سبب فى تعودى على الرسم بكل سهولة "

 

تبدع سندس في رسم العيون بالرصاص

الدراسة تمثل عائق بالنسبة لموهوبتنا

 

تابعت سندس: " مقدرتش أوفق بين دراستى والرسم، بالتالى كنت بفضل الرسم فى الأجازة عشان مأثرش على دراستى، لكن أحيانا كنت بحاول أفرغ وقت للرسم فكنت برسم كل كم شهر، ومؤخرا بطلت أرسم لمدة سنة بسبب الدراسه "

 

سندس تنوى اتخاذ الرسم كمهنة

 

واصلت سندس حديثها: " بفكر أن يكون رسمى هو عملى وشغلى لأنه الحاجة الوحيدة ال بحبها وبطلعها بكل حب ومهما بتعب فيه بيكون ليه فرحة فى النهاية وبنسى مجهودى وتعبى"

 

ترسم سندس العديد من الشخصيات

أسرتى أكبر داعم ليا وسبب فى نجاحى

 

قالت سندس: أسرتى هما الداعم الوحيد ليا، والدى ووالدتى وأخواتي دايما بيشجعونى وبيجبولى أدوات الرسم عشان أكمل وأوصل لحلمى وفى بعض الأصدقاء بيدعمونى من خلال تعليقاتهم على رسوماتى وبتعجبهم ودا بيشجعنى أكتر فى تنمية موهبتى "

 

طموح سندس

 

تابعت سندس حديثها:"بتمنى يكون عندى مرسم وأتقن الرسم جدا عشان أقدر أعلمه لناس تانية وأفيد المبتدئين فى مجال الرسم وده يعتبر أول أحلامى، وأتمنى أشارك فى معرض للرسم وأعرض فى رسوماتى "

 

جانب من رسومات سندس الرائعة

سندس تسعى لإرضاء الله والإخلاص في العمل

 

قالت سندس: "أنا بحب كل رسوماتى وكلهم قربين لقلبى لأنى برسم بكل حب، وبفضل رسمى يكون بعيدا عن البورتريه لأن أغلب الآراء بتقول أن حرام رسم ذوات الأرواح وأنا بحاول بقدر الإمكان مرسمش شخصيات حقيقه كامله، بحاول أعمل ال يرضى ربنا"

 

الرسم مش شخبطة

 

أنهت سندس حديثها: أحب أقول إن الرسم موهبة قبل ميكون أى حاجة، وإن الرسم مش مجرد شخبطة، الرسم جزء منك ومن تفكيرك وبيعبر عنك، وأضافت حابه أشكر كل ال وقفوا جمبى لحد دلوقت وبيشجعونى أكمل.

شاهد كيف ترسم سندس لوحاتها..