التحدى هو الإصرار والمقاومة التى يمارسها الفرد للحصول على مايريد تحقيقه، ولعل أفضل طريقة تساعدك على تحدى الصعوبات هى التفكير بإيجابية الذى يُزيد من ثقة الإنسان بنفسه، ويجعله قادرا على إثبات ذاته، وهذا ماحدث مع الفنانة سلمى التى كانت تتحدى نفسها فى بداية كل رسمة حتى تغلبت على الصعوبات التى تواجهها فى الرسم وتوصلت إلى مستوى أفضل.
طريقها إلى الرسم :
اكتشفت سلمي صاحبة ال 16 عام حبها لفن الرسم منذ الطفولة، فكانت تستغل جميع اوقات فراغها فى الرسم،اعتمدت على نفسها فى تعلم الرسم فى البداية ثم بدأت فى تطوير موهبتها عن طريق كورس لتنمية الرسم، ولكن الفضل الاكبر موهبتها إلى ما بذلته من مجهود وممارسة كى تتعلم الرسم.
مراحل التطوير :
قالت سلمي :" بدايتي فى الرسم كنت برسم رسومات عادية مكنتش برسم بورتريهات أو أى ملامح لأنى كنت مبتدئة فى المجال ولكن مع تطور الأمر، اخدت خطوة جديده وبدأت فى الملامح، طبعا فى البداية النتيجة مكنتش مرضية اوي بس مع التمارين كنت بظبط الرسومات أكتر"
وأضافت : " فترة كورونا ساعدتني على إنى اشتغل على نفسى اكتر لان بحب ارسم فى اوقات الفراغ، ولذلك كنت بفضل ارسم فى الاجازة وأحيانا فى الدراسة لما ابق فاضية، أنا فى الإجازة مش بعمل حاجه غير إني برسم بس وخصوصا الاجازة دي بقيت برسم شبه يوميا وبطور من نفسى اكتر، بالإضافة إن عيلتي وأصحابي بيدعموني وهما سبب فى إني اكمل فى مجال الرسم "
ميولها :
واصلت:" الرسم رغم انه ممكن يكون صعب وأوقات كتير بيأس لما رسمه متظبطش إلا إن الإصرار على اني أطور من نفسي واشتغل على نفسي أكتر بيهون أي إحساس بالفشل، ورغم تعدد اتجاهات الرسم إلا إني بميل لرسم البورتريه وبتغلب على اي صعوبة بتواجهني ف الرسم "
أحلام سلمي :
قالت :" بتمني أطور من نفسى اكتر فى مجال الرسم، وأحوله لمهنه لاني شايفة إنها هتكون فرصة مناسبة اشتغل فى مجال أنا حباه وبتقنه "
إرسال تعليق