كتبت – إسراء إبراهيم
"يا عم البلد دي مفيهاش خير يلا نمشي
منه"، نماذج كويسة اي بس ده كان زمان... في الزمن ده لو حد شاف حد عايز
مساعدة بيعمل نفسه مش شايفه او يقف يصور اللي بيحصل.. بقولك مبقاش في خير زي الاول
الخير خلاص خلص وال بيعمل خير ممكن يعمله عشان الشو وكدا ويصور نفسه وقد اي هو شخص
جامد وبيعمل خير".
منقدرش ننكر ان الكلام ده مش بيحصل بس زي ما
فيه الوحش فيه الحلو صوابع ايدينا مش زي بعضها.
زي ما في ناس مش بتساعد فيه ناس نفسها تقضي
حياتها كلها بس بتعمل خير ناس بتحس بفرحة لمجرد انها فرحت شخص ما عايز مساعدة او
محتاج حاجة ناس كلها همها انها تجبر
خواطر اللي حواليها كأن سعادتهم الحقيقية متوفقة علي انهم يشوفو الفرحة في عيون
الناس اللي ساعدوهم.
مش متخيل انت لما تجبر بخاطر حد دي حاجة
عظيمة عند ربنا ازاي انك تجبر بخاطر حد بكلمة حلوة ب انك تدعم شخص او تساعد شخص ده
بس كفايا الدعاء ال الشخص ده بيدعهولك مفيش اجمل من شعور انك تمشي بين الناس جابر
لخواطرهم
ابسط مثال للي انا بتكلم فيه وعن قد اي لسه
الخير موجود مهما حصل، شخص ما كان عارض مشكلة بيمر بيها وبيقول انه عريس وكدا
وكانت ظروفه المادية صعبة شوية وعايز يأجر فستان لعروسته بس يكون سعره بسيط وكدا.
وكانت المفاجأة رد الناس عليه في الكومنتات
ان دل علي شي ف يدل على "ان الخير في وفي امتي الي يوم الدين"
بعض كومنتات الناس اللي تفرح القلب بجد
• مكانك فين لو قريب من المنصورة فرحك عندي ان
شاء الله ربنا يفرح قلبك و يتمملك بالف خير
• يا جدعااااان ايه الحلاوه و الجمال ده اقسم
بالله ♥️♥️ بلدنا بلد الرجاله و الجدعان و المحترمين و ولاد الاصول ربنا يبارك في
كل واحد جبر بخاطر اخونا بكلمه او دعوه او تلبية الطلب طبعا و بزياده و الله ربنا
يبارك فيكم بجد لسه فيها خييير كتير و الله
لو قريب من شبرا الخيمة عمي عنده اتيليه
كلمني اوصف لك العنوان وهاتها تنقي اللي هي عاوزاه وملكش دعوه بحاجه
انا أقدر اساعد بزفة العربية لو حضرتك في اي
مكان داخل الغربية ان شاء الله كلمني اي وقت وتحت امرك
ردود الناس فعلا كفيلة تفرح الواحد سنة قدام
قد اي كل دي ناس جميلة ونفسها تساعد حقيقي الواحد ممتن للناس ال زي دي وربنا يفرح
قلوبهم زي م فرحوا الشخص ده
اللي عايزة اقوله وانهي بيه مقالي ساعدوا
غيركم واجبروا بخاطر ال حواليكم واوعوا تشوفوه حد حتي لو زعلان والسبب تافه وتسيبه
لحزنه أجبروا بخاطر الشخص ولو بكلمة حتي صدقوني كل خير بتعملوه هتلاقوه بيتردلكم
اضعاف اضعافه، وكان الله في عون العبد مادام الله في عون أخيه.
إرسال تعليق