في كل محنة منحة.. الفشل هو الطريق للنجاح!

 

الفشل سر النجاح

 

كتبت – حبيبة النني

 

سعيت كتير لأهدافك ونفسك تحقق احلامك ومعرفتش، وفشلت وخلاص مش شايف أي نور في النفق اللي انت فيه، كل ده احنا معاك فيه بس اوعى انك تفتكر أن الفشل اخر الطريق..

 

انت تعرف ان كل الناس اللي نجحت فشلوا مرة واتنين وتلاتة، ايون دي علامة يا مارد فشلك ده هو اكتر طريق للنجاح، بس انت محتاج تبص للفشل من زاوية مختلفة..

 

تعالي كده نفكر مع بعض في الفشل، من الفشل انت هتاخد خبرة كبيرة، من الفشل اكيد مش هتقع في نفس الغلط اللي وقعت فيه، من الفشل هتقدر تقيم نفسك وتستفيد وتتعلم اكتر.. من الفشل انت ممكن تعمل حاجات كتير اوي ايجابية.        

 

النجاح اكتر فكره حلو ممكن حد يحسه بيه لما تاخد شهادة تقدير ـو لما مثلا حد يمدحك بكلمه قدام اهلك او حتي قدام نفسك، أكيد بيكون له تأثير كبير عليك نفسيا، اما الفشل فمعتقدش حد فاشل الحياه كله نجاح وان اللي بيعلق حياته علي كلمه الفشل للأسف فهي خدعة مش اكتر.

 

لان ما يسمي بفشل هو مجرد تجربة وكان نقصه حاجة، ولما أخطأت ورجعت حاولت تاني وتلت والف، وبكل بساطة مش هيحصل نفس الخطأ في كل تجربه وبكده تكون اتعلمت، ودا في حد ذاته كل مرة كان بيبقى نجاح واكتشاف نفسك ونجاح جديد وتستمتع بعد كده بنجاحك ولا يوجد فشل نهائي

 

اتعلم حاجه جديده كل يوم اعرف اكتر، اقرأ اكتر، اتكلم وناقش أفكارك، انت مبدع بشكل مختلف، وطور نفسك لأن أد ايه الحياة اللي حوالينا مليانة ابداع ونجاح وتجارب، ومتسناش وانت ماشي في طريقك أن التجارب مش فشل ولا عمرها هتكون فشل، اتعلم اكتر ونجاح اكتر، كل يوم تقدر تبدأ من جديد، وكما قال رسولنا الكريم: "تفائلوا بالخير تجدوه"

 

في شخصيات كتيرة معروفة عالميًا أنها شخصيات ناجحة جدًا بعد ما مروا بفشل رهيب، وعملوا محاولات كتيرة جدًا، والمستحيل قدروا يخلوه ممكن، ومن الممكن قدروا يخلوه حقيقة، الفكرة كلها انك حاول واسعي.

 

وفي ناس عادية برضة وبقت معروفة عالميا بس الفكرة، انه انت تعمل اللي عليك وتسعي واجتهد وهتبقى في يوم حاجه تفتخر بها واهلك يفتخروا بيك، احساس النجاح ولو في أي حاجة هو انجاز كبير جدًا.

 

تعرفوا أن فيه شخصيه اسمها بوب وهو في الحقيقة كان يعقد انه أفشل خلق الله ومفيش بعد كدا، بس الحقيقة بقى ان له قصة كبيرة وهو لسه مش في العالمية، وبيسعي وهيفضل يسعي بعد ما اكتشف انه لسه فيه بكرة.

 

الشخصية دي تعبت جدا في حياتها الاسرية والعامة والعاطفية، ويمكن في كل حاجة، والحياة بقت سوداء حواليه، ولكن في يوم حصلت المعجزة، وبدأ يكتشف ذاته وان مفيش شخص مش مهم وربنا خلقنا كلنا لرسالة كل واحد له دور.

 

وهو قرر يدور في عز ما كان في وقت صعب جدا مش مهم أي حاجة، المهم إنك تبدا وهتلاقي مع كل سعي في تقدم.. وفي البداية توكل على الله وفي النهاية سيبها لله..